"An investment in knowledge pays the best interest"

-Benjamin Franklin-

 

Nos ta ofrese bijles di e siguinte vaknan pa VWO, Havo i VSBO:

  • Natuurkunde

  • Wiskunde A 

  • Wiskunde B

  • Scheikunde

  • Biologie

Nos tin 2 diferente tipo di les kual ta:

  • Les General: Esaki ta e les standaard. E ta konsisti di 1 dosente ku ta duna les na un maximo di 3 studiante pareu. Nos ke garantisá ku tin mas ku sufisiente tempu i atenshon pa atendé e nesesidat personal di kada studiante i pesei nos ta tene solamente na 3 studiante

  • Les Priva: Esaki ta pa e studiantenan ku ke e mio servisio ku nos por ofrese. E ta 1 op 1 ku e dosente. Si bo ke e mio resultadonan, mas lihe possibel, esaki ta loke bo ke skohe.

Awor bo por asta skohe entre les personal of haña Lès Online !

 

Nos tin 4 diferente opshon di pago kual ta:

  • Les General 35flr/ora of $20/ora

  • Les Priva 60flr/ora of $35/ora

  • Les General 280flr/luna of $160/luna (bo ta haña 8ora di les, 2 ora pa siman).

  • Les Priva  400flr/luna of $225/luna (bo ta haña 8ora di les, 2 ora pa siman)

Kon nos ta hasie nos trabou?

 

Mathsolutions tin un proseso di duna bijles. E proseso aki nos ta huza serka kada studiante pa soru ku nos po yudanan den e manera di mas mio.

Tur siman ora un studiante bin les nos ta tuma e prome 20 minute pa lesa dor di e theoria huntu ku nan.

E studiante tinku splika nos kiko e la kompronde di loke e la lesa.

 

For di einan nos ta hana sa riba ki nivel e studiante ta anto nos ta splika nan e partinan ku nan no a kompronde bon.

Despues nos ta sigui ku e parti di train som. Duranti ku nan ta train, nan tinku splika kiko nan ta bezig kune anto, dikon nan a solushona e problema di e manera ei.

 

E lastu 10 minute di e les ta wordu dedika na trahamentu di un samenvatting di tur loke nan a siña i kompronde durante e les.

Tur siman e studiante tinku pasa riba e samenvatting paso na kuminsamentu di les nos ta hasie preguntanan di e lesnan anterior.

Esaki ta pa stimula e studiantenan pa traha struktura anto, pa nan sa kon pa saka e esensia di loke nan a siña i skibie den nan mesun palabranan.

E samenvatting ta pone ku e lo ta hopi mas fasiel por korda tur e stoff pa ora proef werk yega.